ჩვენი მისია

ჩვენი მისიაა ქვეყნის და რეგიონის ეკონომიკის განვითარების ხელშეწყობისათვის ფართო სპექტრის პროფესიული კადრების მომზადება, სათანადო ცოდნითა და პრაქტიკული უნარებით აღჭურვილი კურსდამთავრებულის  ჩამოყალიბება, დასაქმებულთა კვალიფიკაციის ამაღლება და ცხოვრების მანძილზე  უწყვეტი პროფესიული განვითარების ხელშეწყობა. ქვემო ქართლის მრავალეთნიკურ  მოსახლეობაში სოციალური ინკლუზიის, ინდივიდის პიროვნული და პროფესიული განვითარების ხელშეწყობა; ახალგაზრდებში ტოლერანტობისა და ურთიერთპატივისცემის ფასეულობების დამკვიდრება, კურსდამთავრებულთა სამოქალაქო ინტეგრაცია.

ხედვა და ღირებულებები

კოლეჯი უზრუნველყოფს სწავლებისა და სწავლის მრავალფეროვანი ფორმების განვითარებას. ამისათვის სთავაზობს საზოგადოებას ხარისხზე დაფუძნებულ სწავლებას, მრავალფეროვან საგანმანათლებლო პროგრამებს ჯანდაცვის, ბიზნესის ადმინისტრირების, განათლებისა და ინჟინერიის მიმართულებით. დასაქმებაზე ორიენტირებულ მომზადება-გადამზადების კურსებს, სამეწარმეო უნარების განვითარების ხელშეწყობას, სახელმწიფო ენის შესწავლასა და ცოდნის გაღრმავებას.  ქვემო ქართლის მრავალეთნიკურ  მოსახლეობაში სახელმწიფო ენის პოპულარიზაციას, თითოეული სტუდენტის პოტენციალისა და შესაძლებლობის გამოვლენას,  რომ  მან მომავალში  ადგილი  დაიმკვიდროს  კონკურენტულ შრომის ბაზარზე.  საკუთარი პერსონალის  მომზადების, პროფესიული განვითარებისა და კარიერული წინსვლის ხელშეწყობას; პროფესიული სტუდენტისა და პროფესიული განათლების მასწავლებლის მობილობის  ხელშეწყობას; საუკეთესო გამოცდილების გაზიარებასა და დანერგვას.

მიუხედავად მრავალწლიანი გამოცდილებისა, მარნეულის კოლეჯი მუდმივად განვითარებასა და სიახლეებზე ორიენტირებული სასწავლებელია.

ვისწრაფვით, რომ ვიყოთ რეგიონში ლიდერი სასწავლო დაწესებულება. კოლეჯის ღირებულებებია  სამართლიანობა, ტოლერანტობა, გამჭვირვალობა, ობიექტურობა.

ჩვენი  მიზანი

• ხარისხიანი განათლების უზრუნველყოფა;
• შრომის ბაზრის მოთხოვნების შესაბამისი პროფესიული უნარებითა და ცოდნით აღჭურვილი პროფესიონალის მომზადება;
• მრავალეთნიკური  სტუდენტებისა  და მსმენელების  სამოქალაქო ინტეგრაცია;
• პერსონალის განვითარება;
• მატერიალური რესურსის განვითარება;